Surah An Najm Ayat 19-20 Urdu Translation Tafseer

Para 27 - قَالَ فَمَا خَطْبُكُمْ

سورة النجم

Audio PDF

بِسْمِ اللّٰهِ الرَّحْمٰنِ الرَّحِیْمِ

53.19-20

اَفَرَءَیْتُمُ اللّٰتَ وَ الْعُزّٰىۙ (19) وَ مَنٰوةَ الثَّالِثَةَ الْاُخْرٰى(20)

Kanz ul Iman Kanz ul Irfan

کنزالعرفان

تو (اے لوگو!) کیا تم نے لات اور عزیٰ دیکھا۔ اور ایک اور تیسری منات کو۔

تفسیر : ‎صراط الجنان

{ اَفَرَءَیْتُمُ اللّٰتَ وَ الْعُزّٰى: تو کیا تم نے لات اور عزّیٰ دیکھا۔} یہاں سے لوگوں کو اللہ تعالیٰ کی وحدانیَّت کا اقرار کرنے اور شرک سے بچنے کا حکم دیا جا رہا ہے۔ اس آیت اور اس کے بعد والی آیت میں لات ،عُزّیٰ اور مَنات کا ذکر ہوا،یہ ان بتوں کے نام ہیں جنہیں مشرکین پوجتے تھے اور ا ن آیات میں ارشاد فرمایا گیا کہ کیا تم نے ان بتوں کوتحقیق اور انصاف کی نظر سے دیکھا ہے ؟اگر تم نے اس طرح دیکھا ہو تو تمہیں معلوم ہوگیا ہوگا کہ یہ بت محض بے قدرت ہیں اور اللہ تعالیٰ جو کہ قادر اور برحق معبود ہے اسے چھوڑ کر ان بے قدرت بتوں کو پوجنا اور اس کا شریک ٹھہرانا کس قدر عظیم ظلم اور عقل و دانش کے خلاف ہے۔( خازن، النجم، تحت الآیۃ: ۱۹، ۴ / ۱۹۵، جلالین، النجم، تحت الآیۃ: ۱۹-۲۰، ص۴۳۸، ملتقطاً)